Irakimi qaartartumeerisoqarmat qulingiluat toqunneqarput
Ministeeriaqarfimmit oqaatigineqarpoq, sulisartoqarnermut ministeri ajoquserneqarsimanngitsoq, paarsisuili pingasut qaartartumeerinermi toqunneqartunut ilaasut.
Assiliisartup nutaarsiassaqartitsivimmit Reutersimeersup qaartartumeerineq filmiliaraa, oqaluttuaralugulu imminut toquutigaluni qaartarumeerisup bilit siuleriiaat qanillattoriarlugit biilini sakkortoorujussuarmik qaartikkaa. Irakimiut politiivisa assiliisartup filmiliuutaa arsaarinnissutigaat. Qaartartumeerisoqarnerata kinguninnguagut politiit ministerillu paarsisui aniguisut eqqaassilermata bilertut qaartartumeeriffimmiit uivertorsuullutik qimarngutilerput.
Irakimi peqqarniisaarniartarneq 2004-p kingornagut ukiup ataatsip ingerlanerani aatsaat taamak appasitsigileraluarpoq, taamaattorli muslimit ingasattajaarniat nunap ilaani bilinik qaartartumeerisarlutillu aamma imminut toqoriaatigalutik qaartartumeerillutik suli saassussisarput.
