Irakimi qaartartumeerisaqattaarput
Irakimi ataasinngorneq nalinginnaanngitsumik aassunneqisumik aallartippaat. Imminut toqoriaatigaluni qaartartumeerisut toqunerminni inuit allat 33-t inuartarimmatigit.
Irakimi illoqarfiit pingaarnersaanni Bagdadimi hoteli nunanit allaneersut, politiit eqqartuussinernilu uppernarsaasussat najugannaavanni angut imminut qaartimmat arfineq-marluk toqutaapput. Taanna pinngitsiartoq Irakip avannarpasissuani Bajimi iminut toqoriaatigaluni qaartartumeerninik inuit 18-it inuunerannik akeqarpoq, 40-llu ikiligaapput.
Qaartartoq alla lastbilimiittoq shiamuslimit najugaanni Hillah-mi guvernørip illuata saani qaartinneqarmat arfineq-pingasut toqutaapput, 31-it ikiligaasut.
Sapaatip-akunnera ataaseq qaangiuppoq, amerikamiut irakimiullu sakkutuui 10.000-it peqqarniisaarnianik al-Qaeda-kkunnik akiuiniarlutik sulinertik sakkortusarmassulli.
