Irakimi pisut pillugit sallusimavoq
Aviisimi The Guardianimi tamanna allaaserineqarpoq.
- Immaqa ilumoorsimavunga, immaqa naamik. Naalakkersuineq pillugu nakutitseriarnissannut taamani periarfissarsivunga, oqarpoq.
Janabi oqarpoq, Saddam Husseinip siuttuujunnaarnissaa kissaatigigamiuk, Irakimi sakkorpassuarnik suujunnaarsitsisartunik sumi tamani lastbiileqartoq, aamma sakkunut taakkununnga isertortumik toqqorsivippassuaqartoq, oqaluttuarsimalluni, taamanikkullu taama salluliornissaminik aalajangersimanini peqqissimissutiginngisaannarini.
- Irakimi inuinnarnik naalakkersuisoqalerneranut annikikkaluamik peqataasimagatta ernikkalu tulluusimaarutigaarput, Janabi oqarpoq.
Irakimi suujunnaarsitsisinnaasunik sakkorpassuaqarunarnera Tysklandimi isertortumik paasiniaasartunut Naalagaaffiit Peqatigiit februaarimi 2003-mi ataatsimiinneranni Janabi-p paasissutissiissutigimmagu, USA-mi taamani nunanut allanut ministeriusup, Colin Powellip, pingaartorsiutigeqaa.
Ukioq taanna, tassa 2003-mi, marsi qaammataagaa, USA-p Irak isaaffigaa, suujunnaarsitsisinnaasunillu sakkoqarneragaanera tamatumunnga pissutaasoq erseqqissaatigalugu.
Tysklandimi isertortumik paasiniaasartut Janabi-mut taamani oqarsimapput, suleqataalluariarpat nuliata Europamut uterteqqinnissaa ajornannginnerussasoq - Janabi-llu salluliornerminut tamanna pissutaanerarpaa.
