Irakimi ministeri aallarunneqartoq
Irakip peqqinnissamut ministeriata tullia Ammar al-Assafar Bagdadimi angerlarsimaffianiittoq angutit sakkulisartut aallarussimavaat.
Angutit uniformilisarlutik ministerip angerlarsimaffianut isaasimapput inuttaalu aallarullugu, aallarunneqartup sanilia taama oqaluttuarsimavoq.
Franskillu nutaarsiassaqartitsiviata AFP-p tusarliussaa naapertorlugu aallarussisut sisamanik biileqarsimapput.
Aallarunneqartoq Ammar al-Assafar Irakimi naalakkersuisuunermut attuumassuteqarluinnartuuvoq, Irakimilu naalakkersuisuunermi pissaanerup annersaa pissaaneqarfigeqataaffigalugu.
Aammattaaq isumannaallisaarnermi paarsisut tallimat sisamanngormat aallarunneqarsimapput. Taakkunani tallimani sisamat Amerikamiuupput ataaseq Østrige-miuulluni, taakkulugooq suli aamma nassaarineqanngillat.
