Irakimi inuit 60-it sinnillit toqutaapput
Ikinnerpaamik inuit 60-it toqutaapput 100-llu ikilerneqarlutik, Irakip illoqarfiisa pingaarnersaani Bagdadimi biili atorlugu qaartartuliaq qaartinneqarmat.
Saassussineq shiamusliimit ineqarfiisa nalaani pivoq.
Politiit biiliat sanioqquttorlu qaartartuliaq qaartinneqartoq, Irakimi politiit nalunaarput.
Sapaatit akunneri arlalissuit taama sakkortutigisumik saassussisoqarsimanngitsoq, aatsaalli taamak sakkortutigisumik saassussisoqartoq, Irakimi naalagaaffimmi pissutsinut ministereqarfimmit nalunaarutigineqarpoq.
Sapaatit akunneri pingasut matuma siornagut Irakimi shiamusliimit premierministeriat peqqusivoq, Irakimi aqqusinerni nakkutilliineq sakkortuseqqullugu, taamaakkaluartoq saassussinerit sakkortuut suli pisarput, Amerikamiullu sakkutuui tallimanngormat nalunaarput, taamatut peqqusisoqarsimanera saassussisarnernik amerlanernik pilersitsiinnartoq.
Al-Qaedap Irakimi siuttuat, Abu Musab al-Zarqawi, juunip 7-iani toqutaareersorlu, ippassaq Osama Bina Laden, malinnitsiminut akiniaaqqusilluni kajumissaarivoq, ullumilu saassussineq pilluni.
