Irakimi inuit 50-it sinneqartut ullumi toqutaapput

juunip 26-at 2006 16:54

Inuit ikinnerpaamik 30-it toqutaapput Irakip illoqarfiisa ilaanni Hilla-mi tuniniaasarfimmi inunnik ulikkaartumi qaartartoq qaartinneqarmat, Irakimilu sumiiffinni allani ikinnerpaamik 26-t aamma ullumi toqutaallutik.

Irak-imi al-Qaida-p ittua Abu Musab al-Zarqawi toqutaammalli aatsaat taama sakkortutigisumik aassunnitsigisumillu saassussisoqaqqippoq. Al-Zarqawi juunip arfineq aappaanni amerikamiut timmisartukkut saassussineranni toqutaavoq.

Hilla ukiuni kingullerni marlunni saassussinernik sakkortuunik arlalinnik misigisaqarpoq.

Irak-ip ilaani inuit ikinnerpaamik 26-t allat ullumi ataasinngornermi aamma toqutaapput. Toqutaasunut ilaapput irakimiut sakkutuui arfineq-marluk, politikerimullu nuiimasumut paarsisoq sakkutooq ataaseq. Toqutsinerit amerlanerit Bagdad-imi pipput.