Irakip illoqarfiisa pingaarnersaanni Bagdad-imi eqqaassisoqareersorlu busseeraq qaartartumeerneqarpoq inuillu 23-t toqutaapput 38-illu ikiligaallutik. Taama nalunaaruteqarpoq Irakimi naalagaaffiup pissutsinut ministereqarfia.
Angutit eqimattat sakkulisaarlutik busseeqqanut marlunnut ilaallutik Bagdad-imi niuerfimmi ulapaarfiusumi bussit unittarfiannut ingerlasimapput. Bussit unittarfiannut eqqaassipput inuillu tallimat toqoriarlugit busseeqqap aappaanut ilaallutik qimaapput.
Inuit eqqaanneqartut ikiorniarlugit inuit aggiapput, busseeqqallu aappaa bussit unittarfiannut qimaannarneqarsimasoq qaartinneqarluni. Qaartitsisoqarnerani inuit 18-t toqutaapput.
Irakimi illoqarfiit pingaarnersaanni sapaatiummat biilinik arlalinnik qaartartumeerisoqareersorlu inuit 30-t ajunaarfigisaanni, pisut sakkortuut ullumi pipput.