Irakimi akerliussutsimik takutitsisoqarnerani inuit arfineq pingasut toqutaasut
Irakip kujataatungani Najafimi akerliusut kamaqisut konsuuleqarfimmut pingasunngornermi unnukkut ikuallatsitsipput.
Irakimi naalakkersuisut nunanit allanit aningaasalersorneqarnerarlugit, pingaartumik Iranimit aningaasalersorneqarnerarneqarlutik, akerliussutsimik takutitsinerit Irakimi imaaginnavipput.
Allattoq Ritzau
novembarip 28-at 2019 15:24
Akerliusut sillimaniarnermullu sakkutut aporaannerisa kingunerisaanik inuit arfineq pingasut toqutaasimapput. Sillimaniarnermit napparsimmavimmiillu tusarfiit taama nalunaaruteqartut AFP allaaserisaqarpoq.
Aporaattoqaneranittaaq inuit 50-it aqqunartitersimapput, ilaallu perulullutik.
Akerliusut Konsuuleqarfimmut isaanngitsiarneranni sulisut qimagussorneqareersimasut, tusarfiit nalunaarutigaat. Pisortallu Najafimi innuttaasut aneqqusaajunnarsikkaat, Irami tusagassiorfiit allaaseraat.
Iranip konsuuleqarfimmut saassussineq assuaraa.
Pingaartumik Irakip illoqarfiisa pingaarnersaanni Bagdadimi Irakillu kujasissortaani akerliussutsimik takutitsisoqarpoq, akerliussutsimilllu takutitsinerit 2003-mili aatsaat taama sakkortutigalutik.
/ritzau/Reuters
