Irakimi ajorutumeeriniat politikerit ilaqutaat persarisalerpaat

Irak – 270406 -12.15 – pje/hla

Irakimi politikerit nuimarngit paarsisuminnit nakkutigilluarneqangaarmata pisarisinnaannginnamikkik ajortumeeriniat maanna politikerit ilaqutaat persarisalerpaat. Præsidentimut tullersortinngorlaap sapaatit akunnerisa marluk ingerlanerini aleqani angajunilu aqqusinermi inuartarineqartut annaavai.

Irakimi præsidentip tullersortertaavata aleqaa 60inik ukiulik paarsisoqaraluarpormi; ullaaq suliartussalluni illuminiit biiliminut allornerpaalunnguaannaat ingerlaniartillugit biilimiit saneqqusaartumiit aallaammik eqqarasuartaammik aallaarsarineqarluni paarsisunilu toqutaapput. Ilisimasimareersimavaa aqqalussami atorfigiligaa pillugu navianartorsiortuassalluni; aqqalussanimi alla sapaatip akunnera kingulleq ulluinnarsuarmi aqqusinermi aallaaneqarluni toqunneqartoq annaavaa.

Præsidentip tullersortertaavata Hashimip suna pillugu qatanngutini toqunneqarnersut ilisimavaa; islamisiortut arlaanni Sunnineersuuvoq, islamisiortullu partiianni siuttuulluni. Uppeqataasa ingasaassiniat, peqqarniisaarniallu al-Qaedameersut uppeqatimik naalakkersuisunngortunik suleqatillit tamaasa toqoquaat. Osama bin-Ladenip tullersortaata Zarkawip Irakimi naalakkersuisunngorlaat U.S.Amut kilitsissiaanerarpai – Hashimillu akiinnarsimavaa upperisaminnut kilitsissiaallutik.

Hashimip qatanngutimi marluk inuartarineqarneri oqaaseqarfiginngilai, Irakimili upperisaqaqatigiit Sunnit Shiallu, Irakillu avannaatungaa inuiaqatigiit Kurderit namminersulerniat suleqatigiinnerulernissaannik kaammattuilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat