Irakimi ullumi aalersuuttoqangaatsiarsimaqaaq. Irakip illoqarfiisa pingaarnersaanni Bagdad-imi qaartartumeerinerit inuit 30-t inuunerannik kinguneqarsimavoq. Taamalu aamma Shiamuslimit oqaluffissui arfinillit saassullugit aserorneqarsimallutik.
Taamatut aattalimmik saassussisaqattaartoqarnera peqquteqarpoq, Irakimi politikkikkut siuttut aaqqiagiinngittualermata sulilu naalakkersuisunngortitsinissartik inissinngimmassuk.
Sapaatip-akunnera qaangiuppat Irakimi ministeriuninngortussap iligiillutik naalakkersuisooqatigiittussat nalunaarutigisussaavai. USA-llu neriuutigaa, Irakimi naalakkersuisunngorumaartussat taakku, naalagaaffiup inuisa imminnut sorsuunnerannik taamaatitsisinnaajumaartut.