Irak-imi sorsunneq

Irakimi amerikamiut Bagdadip avannaani saassussinerat ilimagisamit sakkukinnerusoq DR-mit oqaluttuarineqarpoq. Albina Reimer paasissutissiissaaq.

Amerikamiut Irakimi pikitsitinianik saassussinerat aallarteqqaarmat amerikamiut sakkutooqarfianit nalunaaruteqartoqarpoq ukiut pingasut matuma siorna Irakimik tiguaanerup kingorna aatsaat taama sakkortutigisumik saassussisoqartoq. Massakkulli saassussineq sakkukilliartulereermat sakkutuut saassussinermi peqataatinneqartut 900-innanngortinneqarput. Saassussinermilu tigusarineqartut 20-t 50-usunit iperagaareerput sakkunillu toqqorsiviit arlallit nassaarineqarput.

Amerikamiut tigusaqarsimatillutik pikitsitinianik tigusaqarsimanertik nalunaarutigisimanngimmassuk tigusarineqartut nunaatiliunissaat Reuterimit ilimagineqarpoq.

Irakimi illersornissamut ministereqarfimmit tusagassiorfiit isornartorsiorneqarput saassussineq pillugu ingasattajaartumik ilanngutassiortarneragaallutik.

Shiasiortut 10.000-ilikkuutaarlutik Kabalamut ilerfiarrattut pikitsitinianit toqorarneqarput, taamaammat suli eqqissiviilliortoqarpoq. Irakimilu pissutsinik malinnaasut arlallit neriuuteqarpallaanngillat.

Reutersimit Irakimi pissutsinik immikkut ilisimasallit isumasiorneqarput. Takkulu isumaat assigiinngillat, ilaat qulartut ilaallu paatsiveerunnersuaqarnissaanik ilimasullutik.