Irak-i pillugu politikki allanngortariaqarsoraa

Marlunngornermi novembarip ulluisa arfineq-aappaanni qinersinermi præsident George W. Buship partiimi ajorsarnerata kingornatigut Amerikamiut Irak-i pillugu politikkiat saammaassinerusariaqartoq nassuerutigaa.

Taamatut oqaaseqarneq pivoq, Buship partiiata, Republikanerit ajorsarnerata kingorna taamalu Demokratit inatsisartuni amerlanerussuteqalernerisa kingornagut.

- Partiimit sorlermeersuunerput apeqqutaatinnagu akisussaaffigaarput sakkutuut Irakimiittut ajugaanissaminnut atortussaqarnissaat tapersersorneqarnissaallu, naalakkersuisut ataatsimeereersullu Bush oqarpoq.

- Isumassarsianut siunnersuutinullu tamanut ammavunga, peqqarniisaarnianut akiuunnitsinni Irakimilu naalakkersuisut qinikkat tapersersorneqarlutik ingerlatsinissaannut atorneqarsinnaasunik.

Præsidenti taama oqarpoq politikerit Demokratineersut, siunissami inatsisartuni amerlanerussuteqalersussat ataatsimeeqatiginngitsiarnerini.