Iqalunni umiarsualiviliornissaq siunniunneqarpoq

Nunavumi illoqarfiit pingaarnersaanni Iqalunni kissaatigineqalerpoq Canadap oqaluttuarisaanerani siullerpaamik umiarsuit angisuut tulaffigisinnaasaannik umiarsualiviliortoqassasoq, soorlu maani Kalaallit Nunaanni taamaattunik umiarsualiveqartoq.

Iqaluit avataanni imaq ima ikkatsigaaq, umiarsuit anginerumaat angisuullu Frobisherip kangerliumarngani kisartariaqartarlutik, nassatat ilaasullu tamaanngaanniit angallatinut minnernut ilaatillugit ikaarullugillu assartorneqartariaqartarlutik.

Canadami nutaarsiassaqartitsivik C-News naapertorlugu Iqalunni umiarsualivivimmik sanasoqarnissaa maanna tassa anguniarneqalerpoq.

Umiarsualivik piviusunngussappat assartuinermut aningaasartuutit annikinnerulissapput, aamma tamaani aalisakkanik suliffissualiortoqarsnnaalissagaluarpoq, aalisartummi pisatik kujammukarujussuaqqaarlutik Paggivittammut manna tikillugu tuniniartariaqartarmatigik.

Umiarsualivittaartoqarneratigut takornariaqarneq aamma siuarsarneqarsinnaanngussaaq, umiarsuimmi takornariartitsisartut Iqalunnut, taamaalillutillu aamma Nunavumut, tulassinnaasanngillat.

Iqalunni ineriartorneq pillugu borgmesteri, Kim Rizzi, naliliivoq, umiarsualiviliornissaq 250 millioni koruunit missaannik akeqassasoq, isumaqarporlu umiarsualiviliorneq 2008-imi aallartinneqarsinnaalissasoq, Canadami oqartussaasut isumassarsiaq tapersersinnaappassuk, nutaarsiassaqartitsivik C-News ilisimatitsivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat