Iqalunni toqutsineq ukiuni 15-ini pineqaatissiissutaavoq

Iqalunni niviarsiaqqamik 13-inik ukiulimmik 2002-mi decembarip qaammataani, toqutsisimasutut, angut 26-inik ukiulik Iqalunninngaanneersoq, Mark King Jeffrey, ukiuni 15-ni parnaarussassatut pineqaatissinneqarpoq.

Niviarsiaraq unnukkut angerlarsimatillugu, angutip taassuma iserfigeriarlugu savimmik 31-eriarlugu kapoorsimavaa. Jeffrey-lu eqqartuunneqarnermini oqarpoq, sooq niviarsiaraq toqussimanerlugu, nammineerluni nalullugu.

- Inuunera uterteqqissinnaasuugukku iliuutsikka allanngortissagaluarpakka, Jeffrey oqarpoq.

Toqutsisimasoq, imigassamik ikiaroornartunillu sakkortuunik ikiaroortarsimavoq, meeraanerminilu atugai imaannaanngitsuusimallutik, ilaatigut angajoqqaaminik annersaattunik isigitinneqartarluni, kinguaaassiutikkullu atornerlunneqartarsimalluni.

Jeffrey, ukiut 15-it aatsaat qanngiuppta, paarnaarussivimmiit anisinnaanngussaaq, inuunermili sinnerani nakkutigisassatut inissinneqarami, nakkutigineqartuarnissi naatsorsuutigissavaa, taama Nunatsiaq News allappoq.