Iqalunni pisiniarfissuaq ikuallattoq
Pisiniarfissuarmi ikuallanneq ullaassaq aallartimmat ikuallannera siaruaatipallappoq, maannali ikuallaffiusoq nakkutigineqarsinnaalersoq, Nunatsiaq News taama allaaserisaqarpoq.
Pisiniarfissuaq Iqalunni annerpaasoq, ilaatigut nerisassanik, elektronikkinik atisanillu nioqquteqartarpoq.
- Ikuallattoqarnera ajoqaaq - sumimi nerisassarsiniartalissaagut, arnaq Nunatsiaq Newsimut oqarpoq.
Iqaluilli borgmesteriata Madeleine Redfernip pisinniarfinni piginnittut ullaaq manna ataatsimeeqatigai, innuttassunullu oqaatigaa illoqarfimmi pisariaqartitanik nerisassaqassasoq.
Uivertoqartariaqanngilaq. Nioqqutissat ilioqqarneqarsimasut nunguppata immerneqaqqittassapput, borgmesteri oqarpoq.
Taamaattoq Iqalunni najugallit imermik atuivallaannginnissaat kaammattuutigineqarpoq, qatserisartut qamisaanerminni imeq suli atorfissaqartimmassuk.
Ikuallanneq sumik pissuteqarnersoq suli paasineqanngilaq. Iqalunnili ippassaq unnnuarlu annikitsumik ikuallattoqarsimavoq.
Nunatsiaq News taama allaaserisaqarpoq.