Iqalunni oqaluffik nappaqqinnialerpaat
Iqalunni oqaluffik St. Judes, ukiup ataatsip matuma siornatigut ikuallalluni nunguppoq, sanaqqinneqarnissaanulli periarfissagissaalerput.
Innuttaasut akornanni aningaasanik katersinikkut 2,5 millioni koruunit pissarsiarineqarsimapput, oqaluffilli illuikkiatut isikkullip sanaqqinneqarnissaannut aningaasat 25 millioni koruunit atorneqassangatinneqarput.
Oqaluffik St. Judes Iqalunni illuliani kusanarnersaannut ilaasimagaluarpoq, illoqarfiullu ilisarnaataannut ilaasimalluni.
Canada-p issittortaani inuit akornanni iluartuutitap assinganut naleqqersuuneqartarsimagaluarpoq.
Ilagiit sinniisuisa ilimagaat aningaasat 25 millioni koruunit ukiut marluk ingerlanerini pissarsiarisinnaassallugit.
Iqalunni innuttaasut akornanni aningaasanik katersinerit saniatigut Canadamit tunisiniartut imaaginnavissimapput, oqaluffiullu sanaqqinneqarnissaa neriunartoqarpoq. Aviisi Nunatsiaq News taama allappoq.
