Iqalunni muskeeq atoqqaarfissiorneqarpoq
- Takorluugatoqaruna kiisami piviusunngortoq!
Nunavummi islamisiortut kattuffianni siulittaasup tullia, Iqalunni siullermeertumik muskeertaarnerannut atatillugu tallimanngormat ammaanersiornermi taama oqarpoq.
Illu katersuuffittut illernartutut Iqalunni muslimit 100-t missaasa atussavaat.
- Muskeertaarnerup takutissavaa muslimit aamma Iqalunni inuiaqatigiinnut ilanngunnikuusut, atoqqaarfissiornermi Hussain Guisti oqarpoq, neriuuteqarlunilu muskeertaarnerup ilaqutariit muslimiusut illoqarfimmut pingaarnermut nuukkusulersissagai.
Maannamut Iqalunni muslimit 100-t illoqarfimmi inuuneqartut, akuleriinnik assigiinngitsunik atorfeqarput, nakorsat, ingeniørit, ilinniartitsisut, qaffasissumik atorfillit, taxartitsullu. CBC News taama allaaserisaqarpoq.
Iqalunni muslimit nammineerlutik muskiimik qinunissamik qaaqqusisartulimmik, napasuliartalimmik sanapput.
Sanaartornerlu 5 millionit koruunit ataatilaarlugu akeqarpoq.
