Iqalunni meeqqat kamarujussuartartut iliuuseqarfigineqarput

Akitsinni Iqalunni akulliit atuarfianni Aqsarniit-ni atuartut aqqaneq-marlunnik, 13-inillu ukiullit 13-it kamattarnerminnut peqqutaasinnaasunik paasinninnerunissaat pikkorissaassutigineqarpoq.

Ilinniartitsisut atuartunut kamarujussuartartunut iliuusissaaleqisarsimaqaat, aaqqissuisullu pingasut isumaqarput atuartuutimik kamattarnerisa peqqutaat sumiginnarneqarsimasut. Atuartut kamannitik atuarfimmit anisitaassutigigaangamikkik suli kamanninnguinnartarput.

Pikkorissarneq nalunaaquttap akunnerini qulini ingerlanneqassaaq, kamanneq qanoq pilertarnersoq inuktitut tuluillu oqaasii atorlugit paasisitsiniutigineqassalluni; eqqissisimasumillu ingerlaqqissinnaaneq ilinniartitsissutigineqassaaq.

Nerisattaaq qaratsamik sunniisinnaanerat paasisitsiniutigineqassaaq.

Atuartut misiligutigineqartut siulliit 13-it peqatiminni siuttooreerput, maligassiusinnaallutillu. Iqalunni misiliineq Canadap sinnerani malinnaavigineqarpoq, iluatsilluassappallu nunap sinnerani atorneqarsinnaassalluni.