Assi: © Office of the Prime Minister/Adam Scotti

Iqalunni anorersuarnera Trudeaup Inunnut utoqqatsernissaanik kinguaattoortitsisoq

Canadap ministeriunera, Trudeau Nunavut illoqarfiisa pingaarnersaannut Iqalunnukarluni naggueqatigiinnut inunnut 50-ikkunni sakialluummik napparsimallutik kujataanut aallartinneqartarsimasunut ippassaq sisamanngornermi utoqqatseriartorluni aallariartoraluarpoq.

Eqalunnili anorersuarujussuarnera pissutigalugu apuutinngitsoorpoq. Eqalunnimi ippassaq 44-t tikillugit issippoq illoqarfimmilu ippassaq matoqqartitsisoqarluni.

Utoqqatsernissaq persuarsiutigineqartumik pisussaagaluartoq taamaatinneqarallarpoq, Trudeaullu ilaaffissaa Paggivittami Goose Bayimi akunnerit arlallit utaqqereerluni - aalajangertoqarpoq Ottawamut uterallassasoq.
Ullumikkulli misileeqqittoqassasoq nalunaarutigineqarluni.

AAMMA ATUARUK Inuit med tuberkulose blev tvangsfjernet

Taamaattoq Eqalunni CBC nalunaaruteqarpoq, ullumikkut anorersuarnissaa suli sakkortunerusinnaasoq  
Trudeaullu apuunnissaa ilimanarpallaanngitsoq.

Taamaalillutik naggueqatigiit Inuit oqaluttuarisaanermi utoqqatserfigineqarnissartik suli utaqqimaartariaqassagunarpaat.

Justin Trudeaup naggueqatigiit Inunnut utoqqatsinnersaanut aaqqissuussap, nunatta nalunaaqutaa naapertorlugu ulloqeqqanut qiteqquppat pisussatut pilersaarutigineqartoq, paasissutissat kingulliit tunniunneqartut takutippaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat