Iqalummiut ikiornialerpaat

Kalaallit Røde Korsiat Iqalunni ikuallattoqarnerani eqqugaasunut 50.000 koruuninik tunissuteqarpoq.
Allattoq Noah Mølgaard
februaarip 29-at 2012 13:23

Iqalunni ajunaartoqarfiusumik ikuallannersuarmi inuppassuit eqqugaapput 50-illu missaasa angerlarsimaffik pigisatilu annaavaat. Kalaallit Røde Korsiat aalajangerpoq eqqugaasunut 50.000 koruuninik tunissuteqarniarluni

Nunatsinniit ikiuiniarneq Canadami Røde Kors Canadian Red Cross suleqatigalugu ataqatigiissarneqarpoq, taakkulu aamma apeqqutilliisimapput Kalaallit Nunaanniit atisanik nassiussisoqarsinnaanersoq.

Iqaluni maanna issittorujussuuvoq ippassaanilu ikuallannerup nalaani 50-nik ississimavoq.

Timmisartoq attartugaq Iqalunnut tallimanngorpat marsip aappaat ingerlaartussaavoq taannalu atorlugu atisanik oqortunik nassiussisoqarsinnaassaaq. Nunatsinniit ikiuiniarneq Kalaallit Røde Korsiata Canadian Red Cross-illu ataqatigiissassavaat.