Iqaluit nutaamik borgmestereqalissapput
Canadami illoqarfiit ineriartortut sukkanersaanni ukiuni arfineq-marlunni borgmesterioreerluni, Eliapee Sheutiapik ippassaani tunuarpoq.
Allattoq Apollo Jeremiassen
novembarip 13-at 2010 14:17
- Nunami tamarmi illoqarfiup ilisimaneqalernera eqqaamaneqaatigissavaa, Iqalunni pisortaaneq, John Hussay CBC Newsimut oqarpoq.
Qinigaaffimmi ukiut pingajussaanni ukioq ataaseq sulereerluni, borgmesterisut tunuarnera tupaallaatigineqarpoq. Tunuarniuteqarnerminut patsisigivaa ilaquttami aallunnerunissaat.
Sheutiapik tunuarniuteqaraluartoq qinnuvigineqarpoq politikkikkut arlaannik suliniaqqullugu. CBC Newsip paasisai naapertorlugit, suliniutigisinnaasaasa ilagaat, inuit kattuffiisa suliniutaat, tassalu nunamik annertunerusumik piginnittussaanerup anguniarnissaa suliniutigissagunaraa.
Illoqarfimmi Iqalunni, Akilinerniittumi, decembarip 13-at nallertinnagu borgmesterimik nutaamik ivertitsisoqartussaassaaq.
