Iqaluit: Issittormiut unammiuaartarfiat nakkaakkiartorpoq

Nunat Issittormiut Canadami Nunavumi Iqalunni unammiuaaqatigiittarnerat, Arctic Winter Games, tamaani ingerlateqqinneqassanngilaq. Unammiffigiuaarneqartarfik silaannaap allanngoriartornerata kingunerisaanik aserfallakkiartupiloorpoq, pinnguaatit assigiinngitsut ingerlanneqarnerisa nalaanni aaqqissuussiffittut inissisimaffigisartagaat kiviartorlutik.

Imeq, qeriuaannartup masarsuaneersoq illorsuarmut qillaarpoq, taamaalilluni toqqavia neriorlugu.

Iluarsaanneqarnissaa, danskit aningaasanngorlugu 1,6 millioni koruunit missaannik akeqartussatut tagginneqarsimagaluartoq, taamaatinneqaqqammerpoq.

Iqalunni naalagaaffimmi atorfilik nuimasoq, Ian Fremantle, sulinngiffeqareerluni utermat tamanna pivoq.

- Qaammatit qulingiluat qaangiuppata suut tamaasa qalloqissallugit misigerusunngilara, Ian Fremantle aviisimut Nunatsiaq Newsimut oqarpoq.

Iqalunni illoqarfiup pisortaasa qinikkat tamanna isumaqataaffigaat, illorsuup iluarsartuunneqarnissaanut pisortat qinikkat taakku Ian Fremantle-p akuersissummik tuninikuugaluarpai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat