Iqaluit imminut napatissinnaanerulissaaq
Taamaattumik illoqarfik Canadap naalagaaffianit maanna aningaasaliiffigineqarnialerpoq, taamaalilluni ukiuni tulliuttuni 100-ni pilersaarusiornikkut illoqarfik imminut napatissinnaanerulerniassammat. Nutaarsiassaqartitsivimmi CBC Newsimi taama allaaserinnittoqarpoq.
Pilersaarusiornermut atugassanik Iqaluit 1 millionit koruuninik aningaasaliiffigineqareerpoq.
Iqaluit sutigut sarfamik atuinikinneruffiussanersoq oqaatigissallugu maanna piaarpallaaqaaq, CBC Newsimilli oqaatigineqarpoq suliniutit minnerusut ilaatigut tassaassasut pærinik sarfamik atuinikitsunik atuinerulerneq aamma anartarfiit imermik atuivallaanngitsut, atorneqalernissaat.
Pilersaarutip 2012-imi naammassineqarnissaa naatsorsuutigineqarpoq, tamatumalu kingorna pilersaarutit annerusut tamanut saqqummiunneqassapput piviusunngortinneqarlutillu.