Iqaluit eqqaani imaani mingutsitsineq uillut atorlugit misissuiffigineqalersoq
Ilisimatuutut misissuinermi nutaami, Guelph Universitetimi ilisimatuunit ingerlanneqartumi imaq misissorneqassaaq. Tassanilu avatangiisit sunnertissimanersut, mingutsitsisoqarsimassappallu suminngaanniit mingutsitsisoqarsimanersoq misissorneqassaaq.
Ilisimatuut Anna Manore Anna Buncelu suliniummut aqutsisuupput. Taakku uilunik katersiniarput, immamilu soqarnersoq paasiniarlugu uilut sunik imaqarnersut misissorniarlugit.
Ilisimatuut uilunik 400-nik ukiuni tulliuttuni marlunni katersuiniarput. Aalisartunit aamma ikiorneqassapput, inuillu namminneq kajumissutsiminnik ikioqataasut ilaatigut aaqqatinik qattamilluunniit tunineqartassallutik.
Nunavummi peqqinnissamut pisortaqarfik ilisimatuutut misissuinermut suleqataavoq. Misissuinerlu Guelph Universitetip suliniutaanut Inuiaat, Uumasut Imerlu-mik taaguusilimmut ilaavoq.