Ipiutaq Guest Farm Pinngortitap avatangiisillu pillugit akissarsisinneqarpoq

Borgmester Simon Simonsenip avatangiisinut naalakkersuisoq Anthon Frederiksen sinnerlugu Ipiutaq Guest Farmimik piginnittunut Agathe Devismemut Kalista Poulsenimullu akissarsisitsisuuvoq. Immikkoortumi "Tamatsinnik pinngortitamik avatangiisimillu mianerinninnissatsinnik ilisimaarinnilersitsineq"-mi nersorinnilluni akissarsitinneqarput.

Ipiutaq Guest Farmip, Agathe Devismemit Kalista Poulsenimillu pigineqartoq, 2005-imi pilersinneqarnerminiilli avatangiinik mianerinninnissaq nukissiuutinillu minguitsunik atuinissaq immikkut sammisimavaa. Savaatillip avatangiisinik mianerinninnissaminut qanoq iliorsinnaaneranut Ipiutaq Guest Farm assersuutissaalluarpoq aammalu inoqutigiit suliffeqarfiillu angisuut avatangiisit pillugit suliniarnissaannut isumassarsiorfiusinnaavoq, naalakkersuisut Ipiutaq Guest Farmimut akissarsititsinerminnut atatillugu allapput.

Ipiutaq Guest Farm 2005-imili tamaani annertuumik saliisimavoq, eqqakkanillu katersuilluni savaateqarfinnut umiarsuarmik aallertoqartalernissaanik periarfissanik misissuilluni aallartitsisimalluni. Aammattaaq seqernup nukinganik iluaquteqarniarluni atortunik ikkussuisimalluni, nukissiornermi dieselimik atuineq annikillisarniarlugu aamma tamaani nerisassiassat pissarsiarineqarsinnaasut atorluarneqarnissaat annertuumik iliuuseqarfigisimallugu.

Namminersorlutik Oqartussat Pinngortitaq avatangiisillu pillugit akissarsititsinera 25.000 kr.-inik aningaasartaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat