Iperagaaneq sivikitsoq naavoq

Naqqitaq: Angut 27-nik ukiulik Nuummi pineqaatissinneqarsimasunut inissiisarfimmit tallimanngormat iperagaagami arfininngormat politiinit tigusarineqarpoq, tallimanngornerup unnuaani persuttaasimasutut pasisaanermi kingorna. Angut pinngitsuunerarpoq.
Allattoq Jaaku Lyberth
februaarip 15-at 2010 09:45

Angutip 27-nik ukiullip angutit marluk imerniartarfimmi Kajistiinaaqqami tallimangornerup unnuaani saassuppai, saassunneqartup aappaa 37-nik ukiulik ajoquserlugu.

Politiit imerniartarfimmut Kajistiinaaqqamut anngummata angut 27-nik ukiulik qimaavoq, politiinilli arfininngornermi ualikkut nassaarineqarluni tigusarineqarpoq.

Angut eqqartuussivimmut ippassaq sassartinneqarmat tigummigallagaanissaa pissutissaqarsorineqanngimmat, ulluni unnuanilu pingasuni tigusareqqanissaa aalajangerneqarpoq.

Angutilli 27-inik ukiullip suliap misissorneqarnerani tigusaaqqanissani akueraa, unnerluussisulli aalajangiineq Nunatta Eqqartuussivianut ingerlateqqippaa, sapaatip akunnerini sisamani tigummigallagassanngortinnissaa piumasaqaatiginiarlugu, nunatsinni politiit pisortaata tullia Morten Nielsen taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq