Immikkut ilisimatusarsimasoq: Ipadsit iluaqutaallutillu ajoqutaasinnaapput

Nunatsinni meeqqat atuarfiini tamani Ipadsinik atuilernissamut isumassarsiaq iluatsilluassappat anguniakkat ersarilluartut aamma ilinniartitsisut ilinniartitsissutillu ineriartortinnissaat pisariaqarpoq. Ilisimatusarfimmi ph.d-nngorniaq, Mîtdlârak' Lennert meeqqat atuarfii pillugit suliaqartoq taama oqarpoq.

Kommunit meeqqat atuarfiinik pitsanngorsaaniarlutik ataatsimut pilersaarusiaat nunatsinni meeqqat atuarfiini atuartunut, ilinniartitsisunut ilinniartitsisunngornianullu tamanut Ipadinik agguaassinissamik ilaqarpoq.

Tamannalu isumassarsiatsialaasoq, ph.d-nngorniap, Mîtdlârak' Lennertip oqaatigaa.

- Atuartsitaanerup pitsanngorsarnissaanut periarfissanitsitsivoq, taanna oqarpoq.

AAMMA ATUARUK Ilinniartitsisut ilaserineqarlik

Iluatsilluarsinnaanissaanulli ilinniartitsisut teknologimik nutaamik atuillutik ilinniartitsisinnaanissaat pisariaqarpoq tassa atuartitsissutit Ipadinut naleqqussarsimassapput aamma internettimut attaveqassalluni innaallagiaqassallunilu.

- Tamakkua tamarmik inisseqqanngippata, uuma pitsanngorsaaniarnissamik anguniakkap angunissaa ajornakusoorsinnaavoq, Mîtdlârak' Lennert oqarpoq.

Taamaammat pilersaarusiami pilersaarummut ataatsimut kiisalu klassit qaffasissusaannut erseqqissumik anguniagaqarnissaa pingaaruteqarpoq.

AAMMA ATUARUK Meeqqat atuarfiat pillugu suleqatigiinniarnerat pitsaalluinnarpoq

- Ulluinnarniuna tava qanoq iliortoqassasoq. Uku anguniakkat angisuut - soorlu ukiut tallimat qaangiuppata angusassat - qanorukua anguniarneqassasut. Suut sakkugalugit. Suna suliaralugu, Mîtdlârak' Lennert oqarpoq.

Ilinniartitsisut peqatigiiffiata IMAK-ip pilersaarut taperserpaa suliniummilu nakkutilliisuutitaq sapaatip akunnerani matumani naapinniarpai.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl