Atuagassiaq Nipaturuq-imik taaguutilik inuusuttut nukittuumik nipeqalernissaannik siunertaqarpoqAssi: Nipaturuq Magazine

Inuvimmi inuusuttunut atuagassiaq nuannarineqarluartoq

Inuvialuni inuusuttut marluk Inuuvimmi inuusuttut atuagassiaqalernissaat siorna suliniutigilerpaat.Suliniaqatigiiffimmit aningaasaliisoqarneratigut atuagassiaq sisamassaa maanna saqqummersinneqarsinnaanngorpoq.

Inuusuttut marluk taakku Inuvialunni inuusuttunut atuagassiamik saqqummersitsisalernissaq atuarnerminnut atatillugu suliniutigilerpaat. Atuagassiaq Nipaturuq-imik taaguuserpaat, inuusuttut nukittuumik nipeqalernissaat siunertaalluni.

Atuagassiamik aaqqissuisut tassaapput arnat inuusuttut marluk Inuvialunneersut Cassidy Lennie-Ipana aamma Mataya Gillis.

Atuagassiap taama nuannarineqartigilernissaa ilimagisimanngikkaluarpaat, atuagassiarlu pingasoriarluni saqqummersinneqareersorlu suliniaqatigiiffimmit Canadian Roots Exchangemit 25.000 dollarinik, imaluunniit 120.000 koruunit missaannik aningaasaliiffigineqarpoq.CBC.ca taama allaaserisaqarpoq.

Canadami nunap inoqqaavisa nunallu sinnerani innuttaasut akornanni saammaateqatigiittoqarnissaa suliniaqatigiiffiup inuusuttunut pingaarnertut suliniutigaa.

Aningaasat atuagassiap sisamassaa saqqummersinneqarnissaanut atorneqassapput, soorlu aamma ilinniartumik atorfinitsitsisoqarnissaanut aningaasaliisoqarluni. Atuagassiap ingerlaannarnissaa neriuutaalluni.

Atugartuussutsip nalaani Inuvialuttut inuunerup tamanut saqqummiunneqarnissaa, aaqqissuisut 16-inik ukiullit pingaartippaat.

Silap pissusiata allannngoriartornera aamma sammisarsimavaat, soorlu aamma sianissutsikkut eqeersimaarnissaq sammisimagaat.
Ammit qalipaataannik assigiinngisitsisarneq atuagassiami tulliani saqqummersinneqartussami immikkut sammineqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat