Inuvimmi innuttaasut tarrup ataani ilaatigut juullisiortariaqarsimapput
Canadami Inuvimmi innuttaasut tarrup ataani ilaatigut juullisiortariaqarsimapput, innaallagiaruttarlutillu, imermik pilersuineq unittoortarlunilu aamma radiokkut isiginnaarutitigullu aallakaatitsinerit kipisaqattaartarsimallutik.
Allattoq Mads Lynge
Ruujorit qerisoormata imermik pilersuineq ajornakusoortarsimavoq.
Inuvimmi septembarimi ullut ilaanni akunnerni qulini innaallagiaaruttoqaraluarpoq. Inuvimmi borgmesteri CBC Newsimut taamani oqaraluarpoq Inuvimmi innaallagiaaruttoqaqqissanngitsoq:
- Ukiuunerup nalaani taamaalisoqaqqinnissaa kissaatiginngilarput, borgmester Denny Rodgers taamani oqarpoq.
Tamannali tassa eqquutinngitsoortippaa.