Inuusuttut ujaarineqartut politiinit nassaarineqarput

Marlunnngormat angut 20-nik ukiulik Nuummi kattutsilluni saassunneqareersorlu saassussisut politiinit ujaarineqalerput. Radioavisi aqqutigalugu ujaasineq iluatsittoq, Nuummi politiit pisortaata tullersortaa Johan Davidsen oqarpoq.

- Ratioavisikkoortitsinitta kingunerisaanik, inuit saaffiginnitsitersimapput, taamaasillutalu angutit inuusuttut sisamat 17-nik 18-inillu ukiullit tigusarisinnaasimallutigit. Taakkua ullumikkut arfininngulernerani eqqartuussivimmut sassartinneqassapput, tigusarineqartullumi politiinit ilisarisimalluarneqarput, Johan Davidsen oqarpoq nangillunilu: - Taakkua sisamat tigummigallagassanngortinneqarnissaat piumasarineqassaaq, siornatigut taakkua tillinniarnernut aserorterinernut biilinillu aallarussisarnernut ilaasarsimasut. Sassartinneqareernerisa kingorna anstaltimut akiliisitaanermilluunniit kinguneqarsinnaavoq.

Nuummi politiit pisortaata tullersortaa Johan Davidsen taama oqarpoq.