Inuusuttut tillinniat tigusaapput
Angutit inuusuttut taakkua aserorterisarnerminni suliffeqarfiit arlaqartut aserorteriffigisarsimavaat, eqqartuunneqaramillu 600.000 koruuninik akiliisussanngortinneqarput, suliffeqarfinnut aserorteriffigineqartunut taarsiissutigineqartussanik.
Angutit inuusuttut marluk 18-nik ukioqartut aappaa 19-riarluni aappaalu 16-riarluni tillinniarsimapputk arlaleriarlutillu aserorterisarsimanertik. Tamakku pissutigalugit qaammatini pingasuni pineqaatissinneqarsimasunut inissiisarfimmiittussanngorlugit pineqaatissinneqarput taassuma saniatigut ukiuni marlunni pinerluttunik isumaginnittoqarfimmit nakkutigineqartussanngorlutik.
Angutit inuusuttut taakkua aserorterisarnertik pillugu aappaa 220.000 koruuninik appaalu 201.000 koruuninik akiliisussanngortinneqarput. Taakkua saniatigut suliffeqarfinni tillitat arsaarinnissutigineqarput.
Angutit inuusuttut pingasuusut pingajuat 16-nik ukiulik inunnik isumaginnittoqarfimmit ukiuni marlunni nakkutigisasssanngortinneqarpoq.
Taanna 189.000 koruuninik akiliisussanngortinneqarpoq, tillinniarnernut aqqanilinnut aserorterinernullu arlaqartunut peqataasarsimanera pillugu.