Inuusuttut kattuffimmik soqutiginninnerulersinniarlugit SIK isumaqarpoq ataatsikkut amerlasuunik pisiniartalersinnaanerup aallarnisarneqarnissaa periarfissaasoq, taamaaliornikkut ilaasortanut pisiassat akikinnerusut neqeroorutaalersinnaassagaluarmata.
SIK-p siulittaasuata Jess G. Berthelsenip oqaatigaa inuusuttut kattuffimmut soqutiginninnerulersinniarlugit suliniutit assigiinngitsut ingerlanneqartut.
Ataatsimoorlunili akikitsunik pisiniarsinnaalernissap saniatigut inuusuttut feeriarsinnaalernissaat aamma periarfissaasariaqartoq, Jess G. Berthelsenip ujartorpaa:
- Inuusuttut soqutiginnilersinniarlugit Nuummi aallarnisaasoqalereerpoq. Inuusuttut qarasaasiamik pisisinnaanissaannik aaqqissugaq soqutigineqaqaluni ingerlanneqarpoq.
Jess G. Berthelsenilu oqaasii naapertorlugit kattuffimmut akiliisarnerit akisuallaanngillat. Danmarkimi inunnik isumasiuisoqarmat paasinarsivoq inuusuttut kattufimmut ilaasortanngornissartik kajumerivallaanngikkaat, kattuffimmut akiliut akisuallaaqimmat:
SIK-p siulittaasua Jess G. Berthelsen Mads Lyngemit oqaloqartigineqarluni taama oqarpoq.
SIK-mi ilaasortat 11.400-t missaanniipput.