Inuusuttut sisamat Tasiilameersut tuparujussuaannarput qerussulaarlutillu

Inuusuttut sisamat, 20-it 25-illu akornanni ukiullit, Tasiilamiit Kulusummut sapaatip akunnerata naanerani umiatsiamik angalaniarlutik orsussamik atugassaminnik naatsorsuinerlukkamik tuparujussuarlutillu qerussorput. <?xml:namespace prefix = o ns = "urn:schemas-microsoft-com:office:office" />

Inuusuttut sapaatiummat ullaakkut Tasiilami Politiinit nassaarineqarput, umiatsiami ammaannartumi radio-qaratillu iputeqaratik imaannarmi tissiataartut. Tamarmik ajoqusersimanngillat, qerussorneri eqqaassanngikkanni.

Tasiilami stationslederiugallartoq, Bo Edvardsen, oqaluttuarpoq arfininngormat unnukkut nalunaarfigineqareersimallutik inuusuttut sisamat Kulusummut apuussimasussaagaluit suli tikissimanngitsut. Kisianni sila ajormat taarlunilu ujaasinissaq ajornakusoorsimavoq.

Bo Edvardsen aamma oqarpoq, ippassaq ullaakkut sila ajunngimmat qulimiguulimmik ujaasinissaq iluatsissimasoq.

Umiatsiaq qulimiguulimmit takuneqarsinnaasimavoq, piniartullu marluk Kulusummeersut ikiortigalugit, silarlukkaluartoq, tassa 36- 40 knobit missaanik sakkortigisumik anorlersoq, umiatsiaq piniartunit  aaneqarsimnaasimavoq.