Inuusuttut sakialluummik eqqugaasut amerlanerusut

Nunatsinni sakialluummik tunillatsittartuni 15-24-nillu ukiullit amerlanerpaajupput, tamannalu Nunatsinni nakorsaaneqarfiup ernummatigaa.

Sakialluutip tuniluunnera ukiuni kingullerni annikinnerugaluarluni taamaattoq nungutinneqarnissaanut suli ungasittoq Dronning Ingridip Peqqissaavissuani nuna tamakkerlugu sakialluut pillugu peqqissaasumit nunarsuaq tamakkerlugu sakialluttunut sapaatip akunnerata siuliani ullorititami tusarparput.

AAMMA ATUARUK Sakialluuteqarnerup ammasumik oqaluuserineqarnissaa suli paqugimineqartoq

Inuusuttut 15-24-it akornanni ukiullit kiisalu 55-it sinnerlugit ukiullit tunillatsisimasut amerlanerpaasut, Namminersorlutik Oqartussat TB pillugu nuna tamakkerlugu periusissiaanni nutaami takuneqarsinnaavoq. 

Ukioqqortusiartorneq malillugu TB-qalersartut amerliartortarnerat naatsorsuutigilluarneqarsinnaasoq tassani atuarneqarsinnaavoq.

Kisianni inuusuttorpassuarni tuniluuttunngorsimanera Nunatsinni Nakorsaaneqarfimmit ernummatigineqarpoq.

- Kisianni tunillanneqartut inuusuttuugaangata, peqqilluartut, taava qanittkkut tunillanneqarsimasuusut naluneq ajorparput. Tamatumalu oqaluttuuppaatigut TB inuiaqatigiinni nappaataaasoq tamannalu soorunami isumakulunnarpoq, Paaqqutarinninnermut tunngasuni Nunatsinni nakorsaaneqarfimmi siunnersorti Rikke Bruun De Neergaard taama oqarpoq.

AAMMA ATUARUK Kikkulluunniit sakialluuteqalersinnaapput

Inuusuttummi amerlaqisut tunillanneqarsimanerisa takutippaat innuttaasuni sakialluummik tunillaasuuttoqarnera.

- Tunillatsissimasunillu uaugut nammineq nasssaarisimanngisatsinnik takkkuttoqartuarpat, taava arlaannik suli tunillatsissimasoqassaaq uagut suli naammattuunngisatsinnik. Tamannalu isumakulunnarpoq. Taamaammallu tuberkulosep atugaasup nassaariniarnissaanut peqqisaarnerusariaqarpugut,. taamalilluta tunillatsissimasut ikilisinniassagatsigit, Rikke Bruun De Neergaard taama oqarpoq.

Sakialluutillit nuna tamakkerlugu siorna 61-iupput. 2010-milu 116-usut.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat