Inuusuttut saassussisut tigusarineqarput
Angutit inuusuttut marluk ullumikkut killisiuisoqarnerani ulluni 26-ni tigummigallagassanngortinneqarput. 19-inik ukiulik nakuusersimasutut, 17-inillu ukiulik nakuusernermut peqataasimasutut unnerluutigineqarlutik. Nuummi politiit taama nalunaarput.
17-inik ukiulik ukiukinnerunini pissutigalugu allamut inissikkallarneqassaaq. Ullumi killisiuisoqareerneratigut illersuisoq eqqarsarfissaqarumalluni nalunaarpoq.
Ujajaasoqarnerani saassussisup immiaaqqanik puussiamiittunik tillinneranut atatillugu 39-nik ukiulik immiaaqqap puukuanik niaqqumigut anaaneqarpoq.
40-nik ukiulik suliaritikkiartorlugu ippassaq Danmarkiliaanneqarpoq, isimilu aappaatigut isigisaarussinnaanera ernummatigineqarluni.