Inuusuttut pingasut pineqaatissinneqartut
Allattoq Jaaku Lyberth
marsip 27-at 2007 15:37
Angutit pingasut ippassaq Nuup Eqqartuussiviani qaammatini pingasuniit arfineq-pingasunut pinerluuteqarsimasunut inissiisarfimmiittussanngorlugit pineqaatissinneqarput, ukioq manna martsip aallartinnerani Brugseneeqqami Blok P-p eqqaaniittumi sakkortuuliorlutik ujajaasimanertik pissutigalugu aviisi Sermitsiaq allappoq. Angutit inuusuttut imigassaq puiaasaq tillippaat, pisiniartitsisullu puiaasamik arsaarniarlutik malersormatsik unatarpaat.
Marluk, sivikinnerusumik pineqaatissinneqartut pineqaatissinneqarnerminnik ingerlatsitseqqissanerlutik eqqarsarfissaqarusupput, pingajuata, sivisuumik pineqaatissinneqartup, pineqaatissinneqarnini Landsretimut ingerlateqqikkaa aviisip Sermitsiap nittartagaani taamatut allaaserineqarpoq.
