Inuusuttut persuttaasimasutut qimarngussisimasutullu pineqaatissinneqarput

Inuusuttut arfinillit Nuummeersut angummut 19-inik ukiulimmut oktobarip aqqarnanni aqqaneq-aappaanilu nakuusersimasutut pinngitsaaliillutillu qimarngussisimasutut ippassaq eqqartuunneqarput, Sermitsiaq nittartakkamini taama allaaserinnippoq.
Allattoq Louise M. Kleemann
oktobarip 23-at 2008 06:35

Angutip 19-inik ukiullip aamma nivissap 15-inik ukiullip grillbarimi oqqannerat sakkortuuliorninngorpoq, angullu Nuummi illoqarfiup qeqqani saassunneqariarluni kingusinnerusukkut Nuussuarmi najugaanut orninneqarpoq biilimullu ikiteriarlugu Nuuk Imerup tunuanukaateriarlugu unataqqinneqarluni.

Niviarsiaraq 15-inik ukiulik suliami pingaarnersaasoq, 9.000 koruuninik akiliisussanngorlugu eqqartuunneqarpoq, ukiunilu marlunni pinerluuteqarsimasunik isumaginnittoqarfimmit nakkutigisassanngortinneqarluni. Niviarsiaqqap illoorai

marluk pillaanermi peqataasimasut, aappaa qaammatini pingasuni aappaalu qaammatini marlunni pineqaatissineqarsimasunut inissiisarfimmiittussanngorlugit pineqaatissinneqarput. Angut 18-inik ukiulik bilimik ingerlatsisuusimasoq, ulluni 60-ini pineqaatissineqarsimasunut inissiisarfimmiittussanngorlugu pineqaatissinneqarpoq.

Taakkua saniatigut angutit inuusuttut marluk nakuusernermi peqataasimasutut akiligassinneqarlutillu nakkutigisassanngortinneqarput.

Bilimik ingerlatsisuusimasup pineqaatissinneqarnini suliassanngorteqqippaa sinnerisalu pineqaatissinneqarnertik akueralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq