Inuusuttut ornittagaannut 250.000 koruunit
Qaqortumi inuusuttut ornittagaat, taavalu Danmarkimi napparsimmavissuarni meeqqanik napparsimasunik qiimmassaasartut, tassa klovnit, Danske Hospitalsklovne, tamarmik immikkut 250.000 koruuninik aqaguagu pingasunngorpat junip ulluisa arfineq-pingajuanni akissarsisinneqassapput.
Aningaasanik tunniussineq aqaguagu pingasunngorpat junip ulluisa arfineq-pingajuanni illussaarsuarmi Fredensborg Slot-imi pissaaq, tunniussisussarlu tassaavoq kunngikkiormiutut ataqqinassusilik, Prins Henrik.
Qaqortumi inuusuttut ornittagaata akissarsisinneqarnissaanut pissutaavoq meeqqanik sumiginnakkanik isumaginnilluarnera, taqqavanimi inuusuttut ornittagaannik pilersitsisoqalerpoq, inuusuttunut 14-iniit 20-inut ukiulinnut arfineq-pingasunut inissalimmik.
250.000 koruunit taakku inuusuttut ornittagassaata aaqqissuunneranut atorneqassapput.
Lions Pris 1988-imili agguaanneqartalerpoq. Nakorsaatinik ilisimatusarnernut, inuusuttut siuarsarneqarnerannut inunnullu tunngassutilinnut suliniutinut allanut Lions Pris atorneqartarluni.