Inuusuttut oqaatsitta ineriartorneranut malinnaapput

februaarip 21-at 2007 17:46

Nunatsinni inuusuttut kalaallit oqaasiisa ineriartornerannut malinnaapput soqutiginnillutillu, atortorissaarutit, ilaatigut qarasaasiat, atorlugit kalaallisut allattarnermikkut. Kalallit oqaasiinik atuinissaannut soqutiginninnerulissappata atuarfinni kalaallisut ilinniartitiseriaatsit assigiingitsut ilinniartitsissutigineqartariaqarput, taama oqarpoq Oqaasileriffimmi Fuldmægtigi, Nuka Møller. Nuka Møller siullermik aperaarput, inuusuttut nunatsinni kalaallit oqaasiinik malinnaanersut.

Danskit oqaasiisa illoqarfinni anginerusuni atorneqarneruneri pillugit inuusuttut kalaallit oqaasiinut inorsarnerusarput, illoqarfinnili mikinerusunit nunaqarfinneersullu kalaallit oqaasiinik atuinerunerat pissutaalluni toqqammavissaqarluarnerullutik ilinnialertarput.

Ilitseqqussaralugu Oqaatsit ulluat malunnartinniarlugu Nuummi Katuami oqaatsit assigiinngitsut atorlugit unnugu saqqumiussisoqassaaq aliikkusersuisoqarlunilu.