Inuusuttut nunanut allanut unammisartut toqqarpaat
Nivissat arsaattartut kingullermik Arctic Winter Gamesimi normu 5-nngornertik pitsanngoriartittussaavaat. Sungiusaasuallumi Whitehorse-imi Arctic Winter Games-eriartitassani pillugit isumalluarpoq.
- Maanna unammiartortussat unammisassaminnut sanilliullutik ukiui tulluarnerupput. Kingullermi unammiartoratta unammisatsinnut sanilliullutik arlallit nukarliungaatsiaramik, nivissat sungiusaasuat Bent Petersen KNR-imut oqarpoq.
Toqqaaniarnermi arnanut inersimasunut sungiusaatutut ikiortini John Thorsen qanimut suleqatigisimavaa. Toqqaanissaq sioqqullugu sungiusarnissamut aningaasassaqanngimmat GM-imi takutitsinerit klubbinilu sungiusaasut inassutaat tunngavigalugit toqqaasoqarpoq.
Nukappissat 97/99-imi inunngortut aamma toqqarneqarput. Nukappissat nukarliit kingullermi normu 4-nngorput nukappissat angajulliit nunatsinneersut pissartanngortut.
- Soorunami anguniarparput angusatta pitsanngorteriarnissaa, nukappissat sungiusaasuat Kent Kielsen KNR-imut oqarpoq.
- Maanna arsaaffissarput ilisimaneruarput tassanilu piareersimaffigissavarput qasujaallisarluarsimanissaq. Arctic Winter Gamesimi illup iluani arsaannermi arsaaffiit takinerupput taamalu tamaviaarnarnerullutik, Kent Kielsen oqarpoq.
Nukappissat angajulliit sungiusaasup Rene Olsenip kingusinnerusukkut nalunaarutigissavai.
Aajuku nivissani unammiartortussat:
Nivikkana Petersen, Silkeborg/Nuuk
Heidi Jensen, Middelfart/Ilulissat
Laila Lyberth Jensen, Qaqortoq
Nivi Dahl, Tasiilaq/Nuuk
Oline Kristiansen, Qeqertarsuaq
Linda Løvstrøm, Ilulissat
Arnarissoq Møller, Qeqertarsuaq
Pipaluk Svane, Ilulissat
Sofie Lyberth, Nuuk
Taartissamaatit:
Avaya Simonsen, Nanortalik
Abigael-Louise Kristensen, Uummannaq
Tupaarnaq Skade Knudsen, Uummannaq
Aajuku nukappissani unammiartortussat:
Carsten Andersen, Nanortalik
Nikki Isaksen, Qaqortoq
Kuluk Hermansen, Paamiut
Taatsiaq Rosing Wille, Nuuk
Isak Frederiksen, Nuuk
Kaaleeraq Mathiassen, Ilulissat
Aqqaluuti Børge Jensen, Ilulissat
Marco Leibhardt Uummannaq/Nuuk
Qillaq Hansen, Upernavik
Taartissamaatit:
Isak Hansen, Nuuk
Mikisuluk Lennert Kleist, Sisimiut
Lasse Mølgaard, Qeqertarsuaq