Inuusuttut nukittunerulernissaat suliniutigineqartoq

Angutit inuusuttorpassuit asaqatigiinnikkut ajalusooraangamik imminnut toqunnissaminnik sioorasaarisartut imminnullumi toquttartut amerlapput. Inuusuttut nukittunerulernissaat anguniarlugu suliniut nutaaq aallartinneqaqqammerpoq.

Asaqatigiinneq ajalusooraangat tamanna annernarsinnaasarpoq, inuusuttunullu misigissutsit aqunnissaat ajornakusoorsinnaasarluni. Asanninnerup ajalusoornerata kinguneranik imminut toquttartut amerlaqaat. Taamaattumik inuusuttut nukittunerusariaqarput.

 

Angutit inuusuttut

Pissutsimmi maanna taamaatillugit imminnut toquttartut aalajangersimasuunerugajuttarput.

- Imminut toquttartut, aammalu imminut toqunnissaminnik sioorasaarisartut tassaanerupput angutit inuusuttut. Aappaqartalerfiup nalaani ukioqartuusarput. Taakku ilaat ajuallallutik imminnut toquttarunarput, vicepolitiinspektør Viggo Johansen KNR-imut taama oqarpoq.

 

5. klassit aallartissutiginiaraat

Inuusuttut nukittunerulersinniarlugit atugarliornerminnillu qaangiisinnaanerulersinniarlugit, atuartut 5. klassimiit immikkut sammineqarniarput.

Inuusuttut nukittunerulernissaannik suliniut Kommuneqarfik Sermersuumi aallartinneqarpoq nunalu tamakkerlugu siaruarneqaleruttorluni. Inuusuttut tarnikkut peqqissuunerisa nukittorsarneqarnissaat taamalu nukittunerulersinneqarnissaat siunertaavoq.

Aamma atuaruk Angutit oqaasinngortitsisarnissartik ilinniartariaqarpaat

- Imminut toquttarnerup akiorniarneranut atatillugu tamatuma oqallisigineqarneranut patsisaavoq, kisitsisit takutitaat amerlavallaarmata, tamannalu tunngavigalugu meeqqat inuusuttullu ingerlalluartut inuunerminnik ingerlatitseqqittarnissaat qulakkeerusukkatsigu. Christina Viskum Lytken Larsen Nunatsinni imminut toquttarneq pillugu ilisimatusarsimasoq oqarpoq.

 

Ajornartorsiutinik qaangiiniarsinnaasariaqarput

Taassuma tikkuarpaa, sooq inuit imminnut toquttarnersut oqallisigineranni ajornartorsiutinik annerusunik, patsisaasutut taaneqartunik qaangiiniartoqartariaqartoq.

- Ilungersunartumik inissisimatilluni, aliasuuteqaraanni siumanerluuteqaraaniluunniit, iliuuseqarnikkut nukittunerulersoqartarpoq, Christina Viskum Lytken Larsen taama oqarpoq.

Nikallungaguit Paarisap nuna tamakkerlugu oqarasuaatikkut siunnersuiffianut Attavimmut sianersinnaavutit, normoraa 146. Imaluunniit meeqqaat oqarasuaataannut 134-imut sianerlutit oqaloqateqarsinnaavutit.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat