Inuusuttut marluk suli ujaarineqartut
Ujaarineqartut Itinnerani ulloq unnuarlu angerlarsimaffik aqqutigalugu tammaarsimaarsimapput - ujaarineqartut Itinnerata eqqaani arfininngormat aggustip 19-ani nal. 21.30 missaani Nuup tungaanukartut takuneqarlutik qimaasimasut politiit KNR-imut ilisimatitsipput.
- Pisuinnarluni Nuummut apuuttoqarsinnaavoq, taamaattoq sumiinneri ilisimanngilagut. Suli pinngortitamiissimasinnaapput, taamaammat ujaasineq pingasunngornermi nageqqinneqarpoq, Nuummi politiini pigaartuuneq, Mads Lynge, KNR-imut oqarpoq.
Ujaasinermi qulimiguulik umiatsiarlu atorneqartut aamma ilisimatitsissutigineqarpoq.
Invar Sanimuinnaq Didomik taaneqartartoq, qernertumik qaatigooqarpoq, tungujortumik taartumik kiateqarpoq qorsorasaanik sakkutuut qalliinik atorluni.
Aamma Nuka Sethsen, tungujortuugunartunik qallerpoq. Politiit naapertorlugit ujaarineqartut oqarasuaatinik angallattakkanik nassaqarsimanngillat.
Ujaarineqartut Ameralimmi Iterlammiissimasut politiit ilisimavaat, taamaattumik paasissutissiisinnaasunik ikioqqupput kapisilinni Nuummi Uummannap sulluaniluunniit takunnittoqarsimagaluarpat politiit saaffigeqqupput
701448-mut attavigineqarsinnaapput
AAMMA ATUARUK Nuummi politiit nukappissat marluk ujaaraat