Nuummi inuusuttut siuarsartut Katuarlu ukiup affaani tulliuttumi suleqatigiillutik inuusuttunut tunngasunik aaqqissueqatigiittalissapput. Inuusuttut nammineerlutik aaqqissueqatigiittassapput.
Taamatut aaqqissuussisalernissaq siunniunneqarpoq, inuusuttut isumasioqatigiinneranni ujartorneqarsimammat pujortarfiunngitsumi imerfiunngitsumillu katerisimaartarnerit inuusuttunit amigaatigineqarsimanerat.
Isumasioqatigiinnermi aamma sammineqarpoq inuusuttut akornanni annersaasarnerit akiorniarnissaat.
Juullinngitsiartoq aaqqissuinerit siulliit ingerlanneqarput, tassani unnuk ataaseq tusaamasaagit-mut assingusumik aaqqissuussisoqarmat
Inuusuttut Katuami aaqqissuussisarnissaat qaammammut ataasiarluni pisarnissaa siunniunneqarpoq.
Inuusuttut aaqqissuussisarnissaat Katuami sulisunit nakkutigineqartassaaq, Katuamilu sulisut ilisimasaat aaqqissuusisarnernut annerusunut tunngasunut inuusuttunut ingerlateqqittassavaat.