Inuusuttut Inatsisartui naapilerput

Eqqortuliorneq naapertuilluarnerlu pingaarnertut eqqartorneqassapput, inuusuttut 30-t missaanniittut, Inuusuttut Inatsisartui, arfininngorpamiit naapippata. Inuusuttut Inatsisartui Inatsisartunit iluatsilluartumik marloriarluni ingerlanneqareerpoq.

Kalaallit Nunaanni ilinniartut, ilinniarfinni assigiinngitsuneersut, Inuusuttut Inatsisartuinut peqataanissamut pingajussaa taama qaaqquneqarput.

Siunnersuutit 36-t ukioq manna saqqummiunneqassapput – siunnersuutit ilinniartitaanermut, attaveqarnermut, pinngortitami pisuussutinut, pinerluttuliortarnerup annikillisarneqarnissaanut allarpassuarnullu tunngasuullutik. Siunnersuutit taakku tamarmik Inuusuttut Inatsisartuinit siunnersuusiaapput - inuiaqatigiit inuuffigisavut toqqissisimanarneruleqqullugit, ataatsimooqatigiinnerlu naapertuilluarnerusunngoqqullugu, suliniutissatut allannguutissatullu siunnersuutaallutik.

Inuusuttut Inatsisartuinut piareersarluni aallartisarnissamut Naalakkersuisutut atuutsitassat Inatsisartuni Naalakkersuisunilu sulineq pillugu januaarip ulluisa arfernanni arfineq-aappaannilu isumasioqatigiinnissamut inuusuttut Inatsisartunit aggersarneqarput. Inuusuttullu Inatsisartuisa ilaasortaanit siunnersuutigineqartorpassuarnut oqimaaqatigiissakkamik akissuteqaateqarlutik saqqummiussinissartik aqutseqatigiit misiligarpaat.

Inuusuttut Inatsisartui arfininngorpat januaarip ulluisa 20-anniit sisamanngorpat januaarip ulluisa 25-iata tungaanut ingerlanneqassaaq.