Inuusuttut inatsisartui ataatsimiillutik aallartipput

Inuusuttut nunatsinni tamaneersut 33-it ullumi Inuusuttut Inatsisartuini aallartipput, taamannak katersuunnerit pingajussaralugu.

“Eqqortuliorneq naapertuilluarnerlu” qulequtaralugit inuusuttut ukioq manna ulluni tallimani oqallisissapput.

Inuusuttut inatsisartui aamma inaarutaasumik allakkiussapput, inatsisartunut tunniunneqartussamik.

Inuusuttut inatsisartui aamma Nunatta namminersulernissaanik isummersorput. Ilinniartoq 19-inik ukiulik Aasianneersoq Jane Petersen ima oqarpoq.

Pisariaqarpoq kikkulluunniit nunat namminersulivittutut misigerusuttartut. Aamma inuit nammineq nunartik akisussaaffigerusuttarpaat, taavalu aamma inuit namminneq nunartik pigerusuttarlugu. Taamaattumik qularinngilluinnarpara siunissami suleqatigiilluta pigutta angujumaaripput aamma neriulluinnaraluarpunga uanga aamma angumerissallugu. Angumererusukkaluarpara, eqqarsaatigileraangakku immaqa aatsaat utoqqasaanngoreerlunga imaluunniit utoqqanngoreerlunga immaqa taanna anguneqarsinnaavoq. Kisianni uanga anguneqartariaqartutut nammineerlunga isigisarpara.

Jane Petersen Aasianneersoq Kathrine Kruse-mit apersorneqarpoq.

Inuusuttut Inatsisartui Itisiliinermi arfinermut aallakaatinneqartussami annerusumik tusagaqarfigisinnaavatit.