Inuusuttut inatsisartui ippassaq ataatsimiilerput, ataatsimiinnerlu ammarlugu inatsisartut siulittaasuat Jonathan Motzfeldt ammaalluni oqaaseqarpoq.
Inuusuutut 28-t nunatsinni assigiinngitsuneersut tikilluaqqullugillu, sulilluarnissaannik kissaassivoq. Inuusuttut inatsisartui qulequtaq demokratii ataatsimiissutigissavaat.
Jonathan Motzfeldtilli erseqqissaatigaa maluginiaramiuk nunatsinni inuussuttut amerlanerusut demokratiimik soqutigisaqanngippallaaqimmata.
Inuusuttut inatsisartui sulinertik ullumi nangillugu siunnersuutit 29-t sapaatip akunnerani uani suliarilissavaat. Siunnersuutit amerlanersaat ilinniartut atugaannut tunngassuteqarput.
Inuusuttut inatsisartui atatsimiikkunnaarunik inaarutaasumik nalunaarusiussapput, naalakkersuisunullu ingerlateqqitassavaat.
Inuusuttut inatsisartuisa ataatsimiinnerat kikkunnut tamanut ammavoq.