Inuusuttut illersuuteqaratik atoqatigiittarput

Illersuuteqarani atoqatigiittarneq Kalaallit Nunaanni inuusuttorpassuarnit tusaanngitsuusaarneqartarporlusooq. Peqqinnissakkut Nakkutilliisoqarfiup ukiumoortumik 2004-mi nalunaarusiaani tamanna takuneqarsinnaavoq.

Kinguaassiuutigut nappaat chlamydia nunatsinni atugaasorujussuuvoq, inuusuttut 15-iniit 24-t tungaannut ukiullit amerlanerpaasarlutik. Chlamydia pingaartumik illissap avataagut naartoqalersarnermut naartutitsisinnaajunnaarnermut naartusinnaajunnaarnermullu peqqutaasutut nalilerneqartarpoq.

Chlamydiartut 2004-imi 1.829-it nalunaarutigineqarput, Danmarkimilu chlamydiartartunut sanilliutissagaanni Kalaallit Nunaanni aqqanileriarluni annertuneruvoq. Taakkunannga inuusuttut 1.200-t missaat chlamydiaqartut paasineqarsimallutik. Tamanna Peqqinnissakkut Nakkutillissoqarfimmit ernumanartoqartinneqarpoq. Ernummatigineqarpoq inuusussiartuinnartut HIV-mik tunillatsittalissasut. HIV-mik tunillatsissimasut arfinillit 2004-mi nalunaarutigineqarsimapput, angutit sisamat arnallu marluk.

Gonoré-mik nappaatillit 2004-imi allannguuteqaratik 653-iusimapput. Danmarkimut naleqqiullugu untritileriaammik amerlanerullullutik.