Inuusuttut filmiliornermik unammisinneqalerput

Inuusuttut nunani avannarlerni najugaqartut 15-init 19-inillu akornanni ukioqartut, silap pissusaa pillugu eqqarsaatersuutitik pillugit naatsumik filmiliornissaannik kajumissaarneqarput. Filmiliornermut unammmisitsineq taaguuteqartinneqarpoq. "REClimate".

Filmit nipilersuutitalerlugit videoaliatut suliarineqarsinnaapput, misilittaajutigaluni filmiliortoqarsinnaalluni imaluunniit pisimasuinnik aallaaveqarluni filmiliortoqarsinnaalluni.

Filmiliarineqartussaq avatangiisit silallu pissusaa pillugit politikikkut oqallinermi, atorneqarsinnaassaaq.

Filmiliarineqartut torrallataanersaat, Naalagaaffiit Peqatigiit decembarimi Københavnimi ataatsimeersuartitsinerani takutinneqassaaq.

Filmiliarineqartut ullumikkuminngaanniit qaammatip ataatsip tulliuttup ingerlanerani nittartakkamut, dobbelt w-t pingasut naggat reclimate naggat net-imut ilineqarsinnaapput taamalu unamminermi peqataalluni.

Avatangiisit silallu pissusaa pillugu filmiliarineqartut, nittartakkamut inissinneqartut, nittartakkami taasisitsissutigineqassapput, taaneqarnerpaarlu ajugaasutut toqqarneqarumaarluni.

Taassuma saniatigut nunani avannarlerni nunat tamarmik naliliisartunik, filmiliarineqartunik torrallataanerpaanik toqqaanissamut taaseqataatinneqassapput naliliisinneqarlutillu. Filmiliamut torrallataanerpaamut 14.000 koruuninik akissarsiassaqarpoq.

Nunarsuatta siunissaa inuusuttut assaanniippoq, silallu pissusaa pillugu inuusuttut filmiliorluni unammitinneqarnerisigut. taakkua isumaat takutinniarneqassaaq, unammisitsinermik aaqqissuuisut ilaat Arni Snævarr, Nunat avannaarliit ministeriisa siunnersuisoqatigiiffianneersoq oqarpoq.