Inuusuttut filmiliornermik suliniutaat Siunnersuisoqatigiinnit tapersersorneqassasoq

Filminut suliniummi 'Stories From the Ice'-mi Issittumi nutaanik filmiliortartutaarnissamut ilinniartitsitsisoqassaaq aningaasaliisoqassallunilu, ingammillu nunap inoqqaavisa inuusuttaasa digitalimik atortunik sulisinnaanissaannut periarfissiisoqarniarluni.

Samisk Filminstitut (ISFI) suliniummut aallarniisuuvoq.

Suliniutip aningaasatigut 2019-imit 2021-mut tapersersorneqarnissaa Nunat Avannarliit siunnersuisoqatigiivisa kulturimut ataatsimiititaliaata januaarip naalernerani akuersissutigaa

- Filmiliornermut suliniut 'Stories From the Ice' inuusuttunut oqaluttuarfiussaaq Issittumilu silap pissusiata allanngoritartorneranut ersersitsissalluni, ataatsimiititaliap siulittaasua, Johanna Karimäki taama oqarpoq.

Suliniutilli tapersersorneqarnissaanut siunnersuut Nunat Avannarliit ministeriisa siunnersuisoqatigiiffiannit akuersissutigineqaqqaassaaq. Siunnersuut ministerit siunnersuisoqatigiiffiata Islandimi Akureyrimi aprilip ulluisa qulingiluaannit quliannut qulequtaqartillugu ataatsimiinninerani oqaluuserineqassaaq.