Inuusuttut biilinik aallarussinerat toqumik naleqarpoq
Politeeq Poul Hansen ajunaarfiusumut ullaaq orniguppoq taanna radio aviisimut ima oqaluttuarpoq:
- Ullaap tungaani nalunaaqutaq 07:43 politeeqarfimmut sianertoqarpoq biilimik ajutoortoqarsimaneranik, ajutoornerlu inunnit arlalinnit isigineqarsimavoq, politiini pigaartoq Poul Hansen radio aviisimut oqaluttuarpoq.
Oqaluttuarpoq ajutoorfik mittarfeqarfiup aqqutaaniittoq, imalu nangippoq:
- Apuukkatta inoqaaluttoq takusinnaavarput, apuukkiartornitsinnilu takusinnaavagut niviarsiaqqat marluk ajoqusersimallutik biilinukaanneqartut takusinnaasakkalu malillugit inummik biilit ataaniittoqarpoq, ajorarluartumillu biilit ataaniittup taassuma inuunini annaavaa, Poul Hansen oqarpoq.
Taassuma imigassartorsimatilluni biilerneq innersuussutiginngilluinnarpaa.
- Biili aallarunneqarsimasuuvoq tassani issimasimapput inuusuttunnguit arfinillit nukappiaqqat pingasut niviarsiaqqallu pingasut, oqarpoq.
Taassuma oqaatigisinnaanerarpaa imigassartorsimaneq peqqutaaqataasimagunartoq sulili aassiunerit inerneri takkussimanngitsut.
- Imigassartorsimalluni biilerneq akilersinnaanngilaq, imigassartorsimalluni biilerneq sapiillisaarnertut arlaannilluunniit takoqqusaarnermik iliuuseqarneq politiitut innersuussutigerusunngilluinnarpara, Poul Hansen oqarpoq.
